ناشد النجم عمرو يوسف الجمهور، مطالبًا بزيادة الدعم والمساعدة من الشعب، تجاه مبنى المستشفى الشهير “57357”.
نشر “يوسف” فيديو من خلال حسابه الرسمي على موقع التواصل الاجتماعي “فيسبوك”، متحدثًا عن الأوضاع الصعبة التي اَلت إليها حالة المستشفى، ومستعرضًا الطريقة المثالية لاستكمال العطاء ومساندة هذا الصرح الضخم خوفًا من إغلاقه خلال الأيام المقبلة.
يقول في الفيديو ذاته: “مساء الخير باختصار ومش عايز أطول عليكم وماحدش طلب مني أعمل الفيديو دا، 57357 هذا الصرح العظيم بيقفل، المستشفى دي قائمة بشكل كبير على تبرعاتنا وفي فرع في طنطا سمعت إنه قفل”.
يستكمل: “بقالي فترة بسمع كلام كتير إن المستشفى حالتها صعبة جدًا لإن التبرعات بتاعتها قلت، لما الموضوع بدأ يزيد بدأت أدور بنفسي، والحقيقة هو مكان عظيم والناس اللي هناك محترمة جدًا، والشغل اللي بيعملوه غير طبيعي”.
يضيف: “فيه أزمة إقتصادية وكنا بنتبرع بس دلوقتي مش قادرين نتبرع مش مشكلة، تبرع بأي مبلغ، صدقوني الجنية بيفرق معاهم، إحنا 100 مليون وتخيلوا الجنيه من كل واحد بيعمل إيه”.
يتابع: “أنا عندي تجربة شخصية أي زنقة فلوس بطلع، ومش لازم بطلع اللي كنت بطلعة، بطلع أقل شوية، بس ربنا بيروح باعت على طول”.
يختتم: “وضعهم صعب جدًا، وكانوا عاملين مجهود كبير جدًا مع أهالينا، فرع طنطا بيقفل، اللي يقدر يساعد يساعد”.
يذكر أن مسلسل “وعد إبليس” يعد أحدث الأعمال الفنية للفنان عمرو يوسف بالتعاون مع نجوم عرب وعالميين منهم فتحي عبد الوهاب وعائشة بن أحمد وأحمد مجدي والمخرج كولن تيج، والذي تصدر تريند السوشيال ميديا وقوائم مشاهدة منصة “شاهد” خلال الفترة القليلة الماضية.
